Skótafundir verða hóskvøld

Vit royndi við skótafundum mikukvøld, men øll eru upptikin. so nú royna vit hóskvøld í staðin.

Skótarnir byrja mikukvøldið kl 19

Skótarnir byrja aftur mikukvøldið 24. oktober 2012 kl 19 í skótahúsunum á Oyri.

Øll børn í 5., 6. og 7. flokki kunnu gerast skótar.

Vitjið www.knukur.blogspot.com, har tit síggja ymiskt um fundirnar.

Vit síggjast!

Við skótakvøðu leiðararnir

Smart-phone og GPS-renning

Smart-phone og GPS-renning

"GPS essentials" er ein fín app til GPS-posta renning. Innles eitt way-point við positiónini og vel "Compass".

Eitt gott ískoyti er at hava t.d. "Barcode scanner", so kanst tú skanna eina QR-kodu við positiónini, um ein tílík verður uppgivin!

Ella tú kanst sjálvur fyrireika teg við at gera QR-kodur við positiónini á við at brúka http://blog.qr4.nl/QR-Code-Geographic.aspx.

Góða eydnu!

GPS-renning 19 sep 2012

Rør teg, nýt vit og skil -- og tøkni

Finn postar við GPS-ara ella smart-phone

Í sambandi við mentunardagarnar skipar Skótaliðið Knúkur fyri GPS-renning.

Tað ræður um at at finna nakrar postar við hjálp av GPS-ara.

Nakrir GPS-arar eru, sum kunnu lænast, men annars verða positiónirnar uppgivnar, so ein sjálvur kan lesa tær inn í sín egna GPS-ara. Um ein hevur eina smart-phone, við einum hóskandi app-i, kann hon eisini nýtast. Vitja www.knukur.blogspot.com har link eru til GPS-app til smart-phone.

Túrurin verður einar 4-5 km langur í haga.

Møtt verður í skótahúsinum á Oyri tann 19. sep 2012 kl 17.30

Flagdagshald

Flaggdagshald verður kl 16 við Eydnuna á Oyrarbakka. Skótarnir ganga skrúðgongu frá barnaskúlanum, har teir møta kl 15.45. Verið í búna.

Lega í Kvívík 2-4 mars 2012

Góðu skótar og foreldur!

Vit fara á legu í Kvívík fríggjakvøldið 2. mars 2012 og koma heim aftur sunnudagin 4. mars.

Legan verður skipað sum ein patruljukapping, har kappast verður í legudugnaði, morsing, og øðrum skótavirksemi.

Vit møta fríggjakvøldið kl 20.00 í skótahúsinum í Kvívík, og legan endar sunnudagin kl 15.00, tá ið skótarnir kunnu avheintast í Kvívík.

Viðføri:

·         Soviposi,

·         liggiundirlag,

·         2 sett av skiftiklæðum (ikki meira),

·         tannbust og eitt lítið handklæð,

·         skaffigreiðir (1 djúpan tallerk, 1 krúss, knív, gaffil og skeið, og viskistykki, alt merkt við navni og í einum posa)

·         regnklæði,

·         húgvu og vøttir,

·         lummalykt við nýggjum battaríum,

·         góð útiklæðir,

·         gott skótoy.

Merkið alt viðføri við navni og telefonnr. Og syrg fyri at pakka alt viðføri í EINA tasku, soleiðis at ikki fleiri pjøkar eru at halda skil á.

Verið í skóm, sum eru góðir at ganga í og latið tykkum í eftir veðrinum. Møtt verður í búna ella tí grønu blusuni við skótamerkinum á.

Kostnaðurin er 200 kr til mat og innivist v.m., sum verður goldið fríggjakvøldið, tá ið tit koma á leguna. Tørvur er ikki á lummapengum, við tað at eingin handil er í Kvívík. Hvør skóti kann hava ein lítlan bommpakka við, men annars ynskja vit ikki, at tey hava slikkarí við á leguna. Vit syrgja fyri matinum, og eisini fyri at okkurt gott er at fáa.

Teknið tykkum til leguna við at senda eitt SMS har tað stendur "LEGA" og tykkara navn til fartelefon 212217 í seinasta lagi mikudagin 29. feb 2012 kl 20.00

Og sjálvt um tit fáa mat og drekka, so kann tað vera eitt gott hugskot at hava eina matpakka við til fríggjakvøldið.

Fylgið við á www.knukur.blogspot.com, har nýggjasta kunningin er at finna.

Vit síggjast!

Við skótakvøðu leiðararnir

Búnin og uppmøting

Fundur er hvørt mánakvøld kl 17-18.30

Um tú ikki fært møtt, skal tú siga frá til leiðararnar.

Á fundinum verður møtt í búna við turriklæð. Við til búnan hoyrir eisini: slíðraknívur, knútaband, blýantur, notisbók og skótaálmanakki. Myrku tíðina er eisini gott við einum endurskinsbandi um ein arm ella ella um eitt bein. Ein lítil lummalykt, sum passar í lumman (!) kann vera hent.

Útiliv hoyrir við til skótafundirnar, so tú mást vera ílatin til at kunna fara út, hóast veðrið ikki er tað besta.

Tað er ikki so lætt at fáa hendur á nýggjum búnum fyri tiðina, men kanska tað ber til at fáa ein brúktan frá onkrum, sum hevur verið skóti. Vit hava fingið gjørt nakrar grønar sweat-shirts, ið kunnu nýtast til skótafundirnar. Tær kunnu keypast fyri 200 kr.